A xira máis íntima de Marlango chega a Pontevedra o 4 de marzo
Por Alejandro Espiño
Tras xirar por toda España co seu último disco, El porvenir, Marlango optou por dar unha volta de porca aos seus espectáculos. A banda capitaneada pola actriz e cantante Leonor Watling decidiu ofrecer concertos acústicos máis íntimos. Con ese formato chegarán a Pontevedra. Será o próximo 4 de marzo no Teatro Principal.
Farano ben arroupados polo público pontevedrés. Máis da metade do aforamento do Teatro xa está vendido para este concerto. As entradas seguen á venda, a un prezo de 14 euros, na central de compras de Ataquilla.com.
O concerto de Marlango será o primeiro do ciclo As Matinés do Principal e, como o seu nome ben indica, será nun horario pouco frecuente para este tipo de eventos: as doce do mediodía. Así, os organizadores esperan atraer a un público familiar.
Delicatessen é o nome de xira coa que Marlango atópase percorrendo España e América latina. O protagonismo é para El porvenir, o seu sexto disco e o segundo en castelán.
Nesta ocasión, o dúo formado por Leonor Watling e Alejandro Pelayo sobe ao escenario sen banda, os dous sós sobre as táboas, coa súa voz e co seu piano.
A intención é buscar o espazo e as condicións ideais para conectar co público dunha forma máis directa e íntima, logrando que cada concerto sexa unha experiencia única.
Marlango, que actualmente se atopa compoñendo as cancións do que será o seu sétimo álbum, leva xa máis de doce anos de carreira musical e, ao longo de todo este tipo, demostraron ser unha das bandas máis sólidas do panorama musical español.
Relacionadas:
-
A xira de The Sadies chega a España, con parada en Pontevedra o 1 de abril
Por Alejandro Espiño |
-
Marlango, unha 'delicatessen' para inaugurar as matinés do Principal
Por Alejandro Espiño & Mónica Patxot |
-
Marlango, The Sadies, Delafé, De Vacas e Orquestra Os Modernos explorarán as mañás musicais
Por Redacción |
-
O Pazo promete un 2017 "espectacular" para celebrar o seu vixésimo aniversario
Por Alejandro Espiño |
-
Macy Gray, por primeira vez en Galicia: actuará en Pontevedra o 7 de abril
Por Alejandro Espiño |