Caldo de Cultivo presenta o seu primeiro disco en Pontemuiños
Por Redacción
A Asociación Cultural Pontemuiños será escenario este venres, día 8 de marzo, do concerto do grupo de rock Caldo de Cultivo, que presentarán en Pontevedra o seu primeiro disco, de igual nome, editado en 2012.
Detrás de Caldo de Cultivo escóndense anos de experiencia nos escenarios dos tres membros da formación: Carlos Rivas na batería, ex-integrante durante sete anos de Motores; Martini no baixo e a voz, o máis novo da banda e anteriormente en Podridos; e por último o veterano Toni Lápidas á guitarra, 30 anos nas táboas en grupo como Motores ou Cafres.
O grupo marinense Inmare completará o cartel que arrancará ás 21:30 horas. Entrada 3 euros.