Danza e videocreación para unha divertida xornada en Domingos do Principal
Por Redacción & Diego Torrado
Cuarta xornada do ciclo Domingos do Principal no Teatro Principal de Pontevedra.
A compañía valenciana 'La coja dansa' interpretou no Teatro Principal de Pontevedra o espectáculo Amagatall, unha mestura de danza contemporánea e videocreación que fixo as delicias dos máis pequenos, con sesións programadas ás 12:00 e 18:30 horas.
Amagatall narra a aventura duns pais que van na procura de Claudia, a filla, que sae voando agarrada a un globo. Percorren todos os lugares aos que Claudia foxe coa imaxinación cando non entende o mundo dos adultos.
Os asistentes á función puideron atravesar lagos encantados, países de xoguetes, bosques tenebrosos ou unha impactante pradería de globos, lugares todos eles que a protagonista inventa ao longo da historia.
A próxima xornada de Domingos do Principal será o día 12 de febreiro con Xurdefet, da compañía galega Berrobambán, un espectáculo de teatro de autor recomendado a partir de 6 anos.
Relacionadas:
-
Domingos do Principal baixa o pano con "Moby Dick"
Por Redacción & Diego Torrado |
-
Un "Superheroe" nos Domingos do Principal
Por Diego Torrado |
-
L'Animé enche o Principal de teatro visual, danza e humor co espectáculo "Bhrava!"
Por Redacción & Diego Torrado |
-
'Retahilando' sorrisos con Eugenia Manzanera nos Domingos do Principal
Por Diego Torrado |
-
Domingos do Principal colga o cartel de "todo vendido"
Por Diego Torrado & Redacción |
-
Se aínda non enviaches a carta aos Reis Magos, inclúe este agasallo...
Por Natalia Puga & Mónica Patxot |