O humorista Agustín Jiménez estrea 'Suceso en el Congreso' no Pazo da Cultura
Por Redacción
Con motivo do 20 aniversario do Pazo da Cultura van coñecéndose algunhas das novidades da programación do primeiro semestre deste ano como a do espectáculo do humorista Agustín Jiménez, 'Suceso en el Congreso', que se poderá ver o 17 de febreiro no auditorio do Pazo.
O monologuista estará acompañado por un reparto composto por Mar Abascal, Sara Gómez, Javi Coll e Javier Antón. Todos eles son coñecidos por series televisivas como 'Aída', 'La que se avecina', 'Gym Tony' ou 'Velvet'.
O espectáculo narra a historia de varios candidatos á presidencia do Goberno que se atopan implicados na aparición dun cadáver.
As entradas xa se atopan á venda a través de Ataquilla.com a un prezo de 16 euros máis gastos. No caso de que non se esgoten na venda anticipada, o propio día do espectáculo poderán adquirirse no Pazo.