Alba Blanco deseña o cartaz para o Salón do Libro 'O mundo que queremos'
Por Redacción
A concelleira de Cultura, Anxos Riveiro Portela, daba a coñecer "unha das cousas que máis nos motiva cada ano": a imaxe que ilustrará a vindeira edición do Salón do Libro e a identidade da súa creadora, Alba Blanco.
Alba manifestou que "logo da ilusión inicial pola proposta de Anxos e Pilar veu o medo total ante a amplitude do tema ‘O mundo que queremos’ e a súa complexidade porque pode remitir a lugares común, tópicos e incluso frivolidades".
Tivo que tomar un tempo para aclarar as súas ideas, o que quería amosar e como abordalo. Un traballo que, como ben dixo Anxos, moitas veces non apreciamos. Optou por pensar cal é o mundo que ela quere e "aínda que haxa moitas cuestións que me preocupan como o patriarcado, a educación ou a violencia, a cuestión de base que temos que solucionar para ese mundo é a que nos sostén é a natureza. Debemos cambiar o rol e pasar nos a sostela a ela, tomar o relevo desa responsabilidade".
Unha illa na que convive vexetación e fauna de todo tipo, unha mestura armoniosa de ecosistemas foi o resultado máis que abraiante do seu traballo A illa, que "noutras culturas e mitoloxías simboliza un centro espiritual, de peregrinación ou representa a parte máis elevada do home, fai referencia tamén á función individual de responsabilidade. Cada un co seu propio traballo, coas súas accións pode construír un ben común e axudar a conseguir 'O mundo que queremos'".
Relacionadas:
-
Todo preparado para a edición máis comprometida do Salón do Libro
Por Antía Fernández Buján |
-
As librerías pontevedresas terán contacontos á hora da merenda
Por Redacción |
-
'Escaquis e Romeu' empezan a escribir a historia do novo Salón do Libro
Por Natalia Puga & Cristina Saiz |
-
RADIO.- Baobab estreará o espectáculo "Pumpún, unha historia para cambiar o mundo" no Salón do Libro
Por Marisa Ciordia |
-
Antonio Manuel Fraga e Jacobo Fernández Serrano escribirán o paso á maioría de idade do Salón do Libro
Por Redacción & Mónica Patxot |
-
"O mundo que queremos" será o tema do vindeira edición do Salón do Libro infantil e xuvenil de Pontevedra
Por Redacción |