O Concerto de Aninovo de Viena, xa en 2016 e sen saír de Pontevedra
Por Redacción
O próximo 29 de decembro estar na sede de Afundación de Pontevedra a partir das 20.30 horas poderá matar o 'gusanillo' a quen estea desexando acudir ao tradicional Concerto de Aninovo de Viena. O edificio pontevedrés acollerá o gran concerto de ano novo Johann Strauss, que conta coa participación da Strauss Festival Orchestra e a Strauss Festival Dance Ensemble.
O programa está inspirado na tradicional cita musical que cada ano celébrase na capital austriaca e inclúe pezas de vals como Napoleón, Festa das flores, O vals do emperador ou Champagne, ademais do famoso O belo Danubio azul e a Marcha Radetzky que adoita pechar a velada compasada polas palmas do público.
Este espectáculo recibiu grandes ovacións nas grandes salas de toda Europa: no Musikverein de Viena, Concertgebouw de Amsterdam, a Philarmonie de Berlín, o Musikhalle de Hamburgo, o Auditorium Parco della Musica de Roma, o Gran Teatre do Liceu ou o Palau da Música de Barcelona, o Teatro Real e o Auditorio Nacional de Música de Madrid, entre outros.
As entradas xa están dispoñibles a través das vías habituais de comercialización da entidade, mediante a web de Ataquilla ou no teléfono 902 504 500.