"Cara a cara" de Pontevedraviva Radio mira nesta ocasión ao Cineclub Bueu que xurdiu en 1999. Agora, a súa directiva, expón diversos proxectos para dar un impulso á entidade. Son moitas as ideas e non poucas as vicisitudes como nos contan Alba Sotelo e Xoán Pastoriza.
O obxectivo que se marcan para o ano próximo é ofrecer dúas sesións ao mes. Por agora, o 3 de decembro pecharán 2016 co documental de Win Wenders "O sal da terra". Un documental que narra a vida do fotógrafo brasileiro Sebastiao Salgado e que foi codirixido polo seu fillo Juliano Ribeiro Salgado en 2014.
Os cineclubes xurdían en España na década dos 30 coa II República. Nos 50 aumenta o seu número e os anos 60 foron a súa "época dourada". Durante os 70, coa competencia das salas comerciais, a televisión e outras alternativas culturais e de lecer, comeza o seu declive; e xa na década dos 80 o movemento cultural dos cineclubes case se dá por desaparecido.
En Pontevedra capital o primeiro - e aínda presente - constituíuse en 1954.