A obra de Manuel Lueiro Rey, na Casa da Cultura Xaime Illa de Raxó
Por Redacción
O vindeiro sábado día 15 de outubro as 19:30, vaise inaugurar na Casa da Cultura Xaime Illa de Raxó, a exposición fotobiográfica de Lueiro, Camiño Aberto, que conmemora o centenario do seu nacemento.
A exposición que realiza un percorrido pola vida e a obra do escritor nado en Fornelos de Montes e falecido no Grove conta coas obras de 22 artistas plásticos.
Esta mostra pódese visitar ata o 6 de novembro.
A exposición que fora inaugurada no mes de maio no Pazo da Cultura de Pontevedra, fixose itinerante, para dar maior divulgación á figura e obra de Lueiro.
Así, o 11 de novembro estará na biblioteca municipal de Ponte Caldelas, posteriormente na biblioteca Ánxel Casal de Santiago de Compostela, e xa como peche viaxará a Lisboa, para montar a mostra no Instituto Cervantes de esa cidade.