Daniel Minimalia entusiasma no seu concerto da Ferrería
Por Diego Torrado
Daniel Minimalia ofreceu un intenso concerto durante este venres na praza da Ferrería dentro da programación das Festas da Peregrina. O músico ourensán ofreceu un concerto en que repasou os temas dos seus primeiros discos.
No outono, o compositor ao que comparan co multiinstrumentista británico Mike Oldfield presentará o seu terceiro álbum no outono.
Daniel Minimalia conseguiu o premio á mellor canción "World Music" nos Hollywood Music in media Awards 2015 polo seu tema 'Ondas do sur' e trátase dun dos artistas con máis proxección na Península.
As festas continúan este sábado co concerto de Pel e Pau, a partir das 21.00 horas na praza da Ferrería e a partir das 22.30 horas coa actuación de Dvicio na praza de España.