O "Rei Solomon" conquista Pontevedra
Por Diego Torrado
"King Solomon" Hicks meteuse ao público do Festival de Jazz no peto no concerto deste sábado.
Nado e criado en Harlem (NY), Solomon Hicks, coñecido como "King Solomon" é unha das estrelas emerxentes no universo dos guitarristas norteamericanos de blues. Ten só vinte e un anos, e ademais de ser considerado un prodixioso instrumentista, tamén compón, canta e enche o escenario coa súa presenza, desenfadada, como corresponde á súa idade, pero tamén profunda e enraizada na tradición máis clásica do rythm&blues, do jazz, do blues e do rock and roll.
A súa carreira foi dirixida por Jeff Levine, quen fora produtor e teclista de Joe Cocker. Compartiu escenario con nomes clásicos da escena musical estadounidense como Tony Bennett, Jon Hendricks ou Mike Stern.
De Solomon Hicks díxose pola crítica especializada que será un dos grandes dos próximos anos, e foi comparado na súa forma de tocar jazz, nin máis nin menos que con George Benson.
Na súa xira europea presenta o seu disco Carrying on the Torch of the Blues, acompañado de excelentes músicos, entre os que destaca o baixista, enxeñeiro de son e produtor, Kirk Yano, gañador de varios Grammys polos seus traballos con Mariah Carey ou Public Enemy.
No seu concerto de Pontevedra, King Solomon Hicks (guitarra, voz) actuou xunto a Russell Carter (batería), Judson Nielsen (Hammond B3) e Kirk Yano (baixo).
Relacionadas:
-
RADIO.- Espérase un importante número de público estranxeiro para o XXV Festival Internacional de Jazz
Por Marisa Ciordia |
-
Cécile McLorin pecha a 24 edición do Festival de Jazz
Por Diego Torrado |
-
Puro jazz con Antonio Sánchez e a súa banda Migration
Por Diego Torrado |
-
Exitoso concerto na Ferrería da Pontejazz Big Band
Por Mónica Patxot |
-
A batería de Naíma Acuña dá paso á Pontejazz Big Band na Ferrería
Por Diego Torrado |
-
O primeiro concerto do Festival Internacional de Jazz abarrota a Praza do Teucro
Por Mónica Patxot |