A cantar solidariamente polo comedor de San Francisco
Por Mónica Patxot
A Coral Helénica e o Coro do Centro de Maiores Afundación de Pontevedra, dirixidas por Manuel Antonio Pintos, ofreceron un recital no Café Moderno durante este xoves 26 con cancións de diversos estilos.
A finalidade deste concerto centrábase na recadación de alimentos para o Comedor de San Francisco. Desta forma, os asistentes ofreceron diferentes produtos non perecedoiros.
As agrupacións ofreceron un concerto con temas moi populares como Galicia terra nosa, Meu amor é mariñeiro, Salve Rociera ou María Soliña.
Este acto englóbase dentro das actividades que desenvolve Afundación co obxectivo de que as persoas maiores practiquen hábitos saudables, gocen da cultura e da expresión artística, da formación e do coñecemento.