La casa de los ingleses dará o seu primeiro concerto do ano este venres no Pub Camarú
Por Redacción
La casa de los ingleses, un grupo pop-rock indie de Pontevedra, ofrecerá na madrugada do vernes 18 ao sábado 19 de xaneiro, ás 00:00 horas, un novo concerto na cidade. Será no Pub Camarú, onde ademais das súas propias cancións interpretarán versións de grupos como Lori Meyers, Vetusta Morla e Deluxe, entre outros.
O grupo, que compón as súas letras en castelán e que se inspira principalmente na música chamada "independente" da escena española desde os 90 ata hoxe, está composto por Ángel Rodríguez (guitarra e voz), Carlos Grangel (batería), Carlos García (baixo e coros) e Xavier Isasi (guitarra e coros).
As súas últimas actuacións foron no Festival da Pulga (Fabrica de Peña de Cambados), na Gala Benéfica por Alex (Cine Salesianos, Vigo), en Código Le Club (Vigo), no Pub Moravia (Poio), na Praza da Verdura (Pontevedra) durante as festas de verán, no Tronco Bar (Pontevedra) e en La Boîte (Pontevedra).
A entrada para asistir a este concerto é gratuita.