Tropa de Trapo estrea en Pontevedra "O ritmo do camiño", un novo episodio das aventuras de Antía e Wamba
Por Mónica Patxot
A compañía galega Tropa de Trapo estreou un novo espectáculo en Pontevedra. O XVI Salón do Libro Infantil e Xuvenil foi o escenario elixido para representar O ritmo do camiño, unha montaxe baseada en contacontos e música que fixo as delicias de centos dos escolares que, durante estes dous días, acudiron ás sesións programadas dentro deste evento cultural.
O ritmo do camiño está protagonizado por dúas personaxes ben coñecidas para o público afeito ás montaxes desta compañía teatral, Antía e Wamba. Ambos coñecéronse hai anos, compartindo unha merenda cando Antía era nena. Pero pasaron os anos e agora Antía está en África traballando coma cooperante, mentres Wamba segue en Europa intentando gañarse a vida.
Os dous seguen en contacto, falando a través da rede. Antía, no medio do seu choque cultural, descubrindo África, co seu ritmo, a súa alegría e os seus conflitos, e Wamba loitando día a día por saír adiante. Antía cóntalle a Wamba as historias africanas que se vai atopando e Wamba fálalle a Antía de como ve Europa despois de tantos anos intentando sobrevivir. Os dous xuntos na distancia, correo a correo, paso a paso, descobren o ritmo dos seus novos pasos.
Un capítulo máis na vida destes dúas personaxes que traen a escea os artistas Marta Ortiz e Brais das Hortas -ela coas súas palabras e el coa música-, os compoñentes desta compañía compostelana.
Relacionadas:
-
Baobab estrea con éxito "Luppo", o seu novo espectáculo, no Salón do Libro Infantil e Xuvenil
Por Redacción & Mónica Patxot |
-
O Salón do Libro chega ao seu ecuador acadando as 19.000 visitas
Por Redacción |
-
A exclusiva, no Salón do Libro
Por Redacción |
-
Máis de 11.000 persoas visitan o Salón do Libro Infantil e Xuvenil durante a súa primeira semana
Por Alejandro Espiño & Diego Torrado |
-
Pep Bou, o mago das pompas de xabón, asombra ao público pontevedrés no Salón do Libro
Por Redacción |
-
Chévere presenta a obra O circo atómico das irmás Faynman no Salón do Libro
Por Redacción |