O mellor de Haydn, baixo a interpretación da Real Filharmonía de Galicia
Por Redacción
O Auditorio do Centro Social Afundación de Pontevedra acolleu este xoves 20 o concerto a cargo da Real Filharmonía de Galicia no que se interpretaron tres das máis coñecidas pezas do músico vienés Franz Joseph Haydn.
A orquestra compostelá, baixo a dirección do seu concertino, James Dahlgren, ofreceu tres sinfonías: a número 6 coñecida como 'A mañá', a número 7 que leva o subtítulo de 'O Mediodía' e a número 8, denominada 'A tarde'.
O concerto enmárcase dentro do convenio de colaboración que manteñen a Sociedade Filharmónica de Pontevedra co Consorcio da Cidade de Santiago e Afundación.