'Brothers in Band', tributo de Dire Straits, actuará en Pontevedra o 27 de febreiro
Por Redacción
A considerada mellor banda tributo de Dire Straits actuará en Pontevedra o venres 27 de febreiro.
Brothers in Band confirmou dous únicos concertos en Galicia, un no Centro Cultural Afundación de Pontevedra o día 27 e outro no Pazo de Congresos de Santiago de Compostela, o día 28.
A banda tributo presentará na cidade de Lérez o seu espectáculo 'The Very Best of Dire Straits', no que os seus nove músicos interpretarán os grandes éxitos do mítico grupo liderado por Mark Knopfler compostos entre os anos 1978 e 1991.
Así, avanza Cávea Produciones, soarán temas como 'Money for Nothing, 'Telegraph Road' ou 'So Far Away', entre outros.
As entradas sairán á venda este xoves 20 de novembro a través de www.servinova.com, www.caveaproducciones.com e nos centros culturais de Afundación cun prezo, para o espectáculo de Pontevedra, de 22 e 25 euros máis gastos.