Antonio Muñoz ofrecerá un concerto homenaxe a Paco de Lucía en Vilagarcía
Por Redacción
O guitarrista Antonio Muñoz ofrecerá o próximo sábado 26 de abril un concerto homenaxe a Paco de Lucía en Vilagarcía, no que será o seu único concerto en Galicia.
Na cita, que empezará ás 20:30 horas no Auditorio de Vilagarcía, o artista flamenco estará acompañado do 'cantaor' de flamenco Agustín Garnés García.
Antonio Muñoz, fillo da 'cantaora' de flamenco Encarnación Fernández, é actualmente o guitarrista oficial do Festival Internacional de Cante de Las Minas e profesor na Escola de Arte Flamenca da fundación que promove o festival, no que resultou premiado en 1989 sendo o guitarrista máis novo en lograr o 'Bordón Minero'.
As entradas están dispoñibles na páxina web de Servinova e dúas horas antes do concerto en despacho, cun prezo de 7 e 10 euros.