Máis de mil exemplares de agasallo con motivo do Día do Libro
Por Redacción
A Deputación Provincial conmemora o próximo mércores 23 de abril o Día Internacional do Libro regalando máis de 1.100 publicacións aos interesados en visitar o servizo de Patrimonio documental e bibliográfico.
Cada persoa poderá levar gratuitamente dous títulos nesta iniciativa que busca o fomento da lectura e a promoción do libro. Cada visitante poderá escoller, entre as 9.00 e as 21.00 horas, dous exemplares entre un total de 72 libros diferentes que abordan aspectos variados do patrimonio cultural e da historia da provincia e dos seus concellos. Pódense escoller obras poeticas, catálogos, ensaios e mesmo cómics.
Ao mesmo tempo, a proposta pretende difundir o patrimonio bibliográfico relacionado coa provincia, unha aposta que comezou en 1865 coa publicación da obra de Antonio Valenzuela Ozores sobre Memoria agronómica ou consideracións sobre o melloramento pratícola e pecuario da provincia de Pontevedra.
Na actualidade, este servizo da Deputación continúa publicando anualmente as máis diversas obras sobre a provincia.