A parodia musical da serie "Friends" chegará a Pontevedra en outubro
Por Redacción
"Friends", a comedia estadounidense que marcou a toda unha xeración, ten agora unha adaptación ao teatro musical. O espectáculo, en plena xira por España, chegará a Pontevedra.
Poderase ver no auditorio de Afundación o vindeiro sábado 5 de outubro.
A obra, dirixida por José Saiz, é un celebración da popular serie televisiva, os seus icónicos personaxes e os momentos máis incribles das súas dez tempadas.
Promete ser un espectáculo divertidísimo e entrañable que namorará aos fans e cativará a todos os amantes do teatro.
O musical está protagonizado polos actores María Ruiz (Rachel), Omar Ruiz (Ross), María Ochando (Mónica), Dani Saiz (Chandler), Irina Bargues (Phoebe) e Ricardo Saiz (Joey).
As entradas para a parodia musical de Friends, que se representará ás 20:30 horas, pódense adquirir na plataforma Ataquilla.com, a un prezo de 27,50 euros.